Италија | Рома на својата веб страна соопшти дека е постигната согласност со Даниеле Де Роси за продолжување на договорот на фудбалерот...

Технички Де Роси можеше уште сега да потпише за друг клуб, со оглед на тоа дека неговиот договор со Рома истекува по крајот на оваа сезона, но италијанскиот репрезентативец се реши да ја продолжи верноста кон клубот во кој ја започна кариерата.

Римската Волчица ваквите вести ги соопшти по убедливата победа од 4-0 во дуелот со Интер.

Управата на Рома и Де Роси си подале рака уште пред неколку дена, но со цел да се фокусираат само на дуелот со Интер, двете страни решиле да не ги соопштуваат добрите вести се додека не се одигра дерби пресметката.

Соопштението на Римската Волчица гласеше: “Даниеле Де Роси се сложи на нов договор со Рома.”

Утре на прес-конференција ќе бидат соопштени детали, а според медиумите од Италија Де Роси ќе стави потпис на нов пет годишен договор.

Директорот на Рома, Франко Балдини рече: “Постигнавме согласност уште пред неколку дена, но не сакавме да го загубиме вниманието во пресрет на дуелто со Интер.”

“Се извинувам поради тоа што моравме да негираме дека е постигната согласност за нов договор, бидејќи ќе беше несоодветно да говориме на оваа тема во пресрет на важен натпревар.”

“Постигнавме согласност со Де Роси, и утре на прес-конференција ќе бидат објаснети деталите.”

Powered by: 24 FUDBAL.com.mk