Англија | Аргентинскиот напаѓач, Карлос Тевез негира дека дал интервју за германскиот магазин Kicker...

Во спортскиот магазин Kicker синоќа беше објавено интервју со Карлос Тевез кој вели дека неговата ситуацијата во Манчестер Сити е комична.
 
Сепак неговите претставници велат дека Тевез никогаш не дал интервју за тој медиум.
 
"По повод интервјуто објавено во Kicker на ден 02.02.12, Карлос Тевез категорично негира дека зборувал со било кој новинар за неговата ситуација во Манчестер Сити и ги негира изјавите кои се појавени во интервјуто" - стои во соопштението од претставниците на Тевез.
 
Иднината на Тевез е предмет на дебата со месеци.
 
Тој сеуште е фудбалер на Манчестер Сити и покрај тоа што сакаше да го напушти клубот во јануарскиот преоден рок.
 
Интер, Милан и ПСЖ беа заинтересираните клубови за Тевез, но ниту еден од нив не стигна до неговите услуги.

Powered by: 24 FUDBAL.com.mk