Арсенал не успеа да го искористи киксот на Челзи и да се искачи на четвртото место на табелата, Топџиите одиграа 1-1 на Емирати против Волвс...

Арсенал влезе како голем фаворит во дуелот со Волверхемптон, но освои само бод на Емирати.
 
Тимот на Арсен Венгер е уште еден фаворит кој киксираше ова коло, вчера нерешено одиграа и Челзи, Ливерпул и Манчестер Сити.
 
Робин ван Перси кој го брка рекордот на Алан Ширер немаше свој ден, Холанѓанецот не го најде патот до мрежата на Хенесеј кој беше играчот на натпреварот.
 
Арсенал рано дојде во водство, по асистенција од Бенајун, Жервињо одлично се снајде во шеснаесетникот на Волвс и постигна гол за 1-0.
 
Во 38. минута Стивен Флечер среќно ја затресе мрежата на Счезни и го израмни резултатот на 1-1.
 
На 15 минути до крајот на натпреварот Милијаш заработи директен црвен картон, Волвс остана со фудбалер помалку.
 
Арсенам имаше апсолутна доминација, Топџиите притискаа, но гостите одлично се бранеа и успеаа да го сочуваат голот и да го одржат нерешениот резултат.