Горан Пандев беше испратен со стоечки овации на Сан Паоло откако македонскиот репрезентативец прикажа уште една фантастична партија во дресот на Наполи...

Горан Пандев одигра одлични 77 минути за Наполи во натпреварот против Џенова, нашиот фудбалер постигна еден гол и имаше две асистенции.
 
Италијанските медиуми ја величат играта на Горан Пандев кој со стоечки овации беше испратен во соблекувалната кога го напушти теренот.
 
Македонскиот интернационалец уште еднаш ја потврди желбата да остане во Наполи и по завршувањето на едногодишната позајмица.
 
"Среќен сум, се чувствувам физички добро и останатото доаѓа само по себе. Вечерва одигравме добро и дојдовме до добар резултат" - изјави Пандев по натпреварот.
 
"Добар сум, среќен сум тука, се надеваме дека ќе продолжиме вака".
 
"Имам ќерка која има само 40 дена и преферирам да останам тука, во Неапол".

Powered by: 24 FUDBAL.com.mk