Волверхемптон и Норич одиграа 2-2, Болтон славеше на гостувањето кај Блекбурн и се помести од дното во Премиер лигата...

Во битката помеѓу двата последни клуба на табелата во Премиер лигата, Болтон победи со 2-1 на гостувањето кај Блекбурн и дополнително го зголеми притисокот врз Стив Кин.
 
Дејвис во 5. и Рио Кокер во 30. минута погодија за предност на Болтон од 2-0.
 
Блекбурн преку Јакубу во 67. минута успеа само да го ублажи поразот.
 
Фановите на Блекбурн одамна бараат смена на кормилото на нивниот клуб, но Стив Кин ја имаше поддршката од сопствениците.
 
Сега откако со последниот пораз Блекбурн го допре дното на табелата, останува да видиме како раководството на клубот ќе реагира.
 
Интересен натпревар кој заврши 2-2 одиграа екипите на Волвс и Норич.
 
Гостите поведоа со убав гол на Сурман со глава во 12. минута, Ибанкс-Блејк во 37. го израмни резултатот.
 
Норич во 76. преку Џексон дојде до ново водство, но Зубар шест минути подоцна ги постави конечните 2-2.

Powered by: 24 FUDBAL.com.mk