Капитенот на камерунската репрезентација, Самуел Ето е суспендиран со 15 натпревари...
Ето заедно со заменик капитенот Ејонг Енох ги убедувале фудбалерите да не патуваат на пријателскиот дуел со Алжир кој се играше во ноември.
Поради тоа Фудбалската Федерација на Камерун, го суспендира Ето со 15 натпревари, а слична казна му претстои и на фудбалерот на Ајакс, Енох.
"Самуел Ето, кој е капитен на репрезентацијата, ги поттикнувал своите соиграчи да не патуваат во Алжир" - гласи соопштението на Камерунската Фудбалска Федерација.
Камерунските фудбалери на чело со Ето се одлучиле да превземат ваков чекор поради неисплатени, а ветени пари од страна на федерацијата за учество на турнирот на четири нации во Мароко.
Казна заработи и бекот на Тотенхем Асу-Екото кој треба да плати еден милион африкански франци (1500 евра) откако не се појавил на турнирот во Мароко.
Ето, Енох и Екото имаат 10 дена да поднесат жалба за санкциите.
Powered by: 24 FUDBAL.com.mk
