Жозе Мурињо жали за нереализираните шанси и вели дека овој пат среќата им го свртела грбот...

Реал Мадрид влезе во одлична форма во Ел Класико натпреварот против Барселона, но Кралевите претрпеа нов пораз.
 
Тимот на Жозе Мурињо имаше доволно шанси да го добие натпреварот, но реализацијата потфрли, Кристијано Роналдо не беше на потребното ниво и пропушти неколку убави можности.
 
"Среќата секогаш е важен дел во фудбалот. Можевме да постигнеме втор гол на 1-0, обично Кристијано Роналдо не промашува такви шанси, но сега тоа се случи. Доколку погодевме натпреварот ќе беше поинаков" - вели Мурињо.
 
"Во вториот дел Барселона поведе со многу среќен гол. Ние имавме шанси да израмниме следната минута, се виде како топката да влезе, но не беше така".
 
"Потоа тие доминираа психолошки и можеа да ја играат нивната игра".
 
"Кога тие поведоа, имавме шанса да израмниме на 2-2, кога зголемија на 3-1, имавме шанса да намалиме на 3-2, па мојот тим реагираше, неуспешно, но реагираше".
 
"Разочаран сум но смирен. Пред натпреварот реков дека емотивно сме стабилни. После натпреварите секогаш едниот е радосен другиот тажен. Ние сеуште сме стабилни".
 
"Имаме исто бодови и натпревар помалку од Барселона. Победа во Севиља ќе не направи лидери до Божиќната пауза".

Powered by: 24 FUDBAL.com.mk