На ’Црвените Ѓаволи’ им беше потребен само бод на гостувањето кај Базал за пласман во нок-аут фазата.

Но актуелниот шампион на Швајцарија направи големо изненадување, победи со 2-1, и го елиминираше Манчестер Јунајтед од Лигата на Шампионите.

“Секако дека сме разочарани.” – рече Сер Алекс Фергусон по крајот на натпреварот. “Не можете да се чувствувате поинаку.”

“Ова е дел од фудбалот. Потребно е да се справите со овие разочарувања, и клубот многу пати го користел ова како мотивација.”

“Овие млади фудбалери вечерва ќе бидат разочарани, но потребно е да го надминат тоа и да продолжат со своите кариери.”

“Нашите резултати во последните неколку години беа извонредни. Ова е наша загуба, бидејќи ова е најдоброто натпреварување во светот, се работи за прекрасно натпреварување.”

Шкотот потоа додаде: “Не започнавме најдобро. Тие постигнаа погодок преку првиот вистински напад.”

“Кога играте на гости и губите со 1-0, се соочувате со тешка задача. Креиравме шанси, но не ги искористивме.”

Ферги за прв пат ќе се најде со Манчестер Јунајтед во Лига Европа, и настапот во најмасовното Европско натпреварување ќе придонесе ’Црвените Ѓаволи’ често да ги играат во недела своите дуели од Премиерлигата.

“Никогаш не сум бил со Јунајтед во ова натпреварување. Ќе имаме многу натпревари во недела, и тоа не е идеално.”

“Но тоа е цената што треба да ја платиме поради неуспехот да обезбедиме пласман во нок-аут фазата.”

Powered by: 24 FUDBAL.com.mk