Една од најдобрите македонски фудбалерки, Гентијана Рочи заминува на тест период во женската екипа на европскиот шампион Барселона...
Гентјана Рочи со посредство на Игор Филевски - Филе и Весна Витанова од Наше Такси, се сели на проба во ЖФК Барселона.
Македонската фудбалерка од 9 до 22 декември ќе тренира со првата екипа на каталонскиот гигант, тим кој е на првото место во Шпанија и кој наредната сезона се подготвува за атак на Финалето во Лигата на Шампионите.
Пред осум месеци Рочи беше повикана и на тест период во Турбине од Посдам, по кој беше оставен и простор за преговори, но сега Каталонците сакаат да ја видат на лице место и доколку Гентијана го потврди неспорниот квалитет да започнат преговори за нејзин трансфер.
Гентијана е првата македонска фудбалерка која е пред ваков избор. Досега нашите фудбалерки со исклучок на сестрите Андонови, беа интерес само на клубови од околните земји, но никогаш и на кремот во женскиот европски фудбал.
Дознаваме дека по Рочи, следуваат преговори за уште две фудбалерки од Македонија за ангажман во странство.
Powered by: 24 FUDBAL.com.mk
