Кристал Палас го победи Манчестер Јунајтед на Олд Трафорд и обезбеди полуфинале во Карлинг Купот.
Кристал Палас направи големо изненадување елиминирајќи го Манчестер Јунајтед во 1/4 финалето од Карлинг Купот.
Црвените Ѓаволи беа голем фаворит во овој дуел и се очекуваше сигурен пласман меѓу четирите најдобри.
Но, тимот на Сер Алекс Фергусон доживеа пораз на свој терен со 2-1 и ги завршува настапите во ова натпреварување.
Ферги им даде шанса на оние фудбалери кои имаат мала минутажа во поважните натпреварувања, но тие не успеаа да донесат радоста за навивачите на Јунајтед.
Натпреварот го отвори Амброус со прекрасен погодок од далечина во 65. минута за водство на Кристал Палас од 1-0.
Во 68. мнута Македа беше соборен во шеснаесетникот на Кристал Палас, судијата досуди пенал, италијанскиот фудбалер го реализираше ударот од белата точка за израмнување на 1-1.
Тоа беше и конечниот резултат по 90 минути игра, па натпреварот замина во две продолженија од по 15 минути.
Мареј во 98. минута го постигна победничкиот гол за Кристал Палас и ја завери победата од 2-1.
До крајот Манчестер Јунајтед се обидуваше да дојде до ново израмнување, но борбените фудбалери на Кристал Палас не дозволија да се затресе нивната мрежа.
Крстиал Палас им се приклучи на Манчестер Сити, Ливерпул и Кардиф во полуфиналето од Карлинг Купот.
Powered by: 24 FUDBAL.com.mk
