Според пишувањата на медиумите од Франција, ПСЖ е подготвен да понуди 75 милиони евра за напаѓачот на Наполи, Единсон Кавани...

Клубот од Париз зад себе ги има милионите на богатиот сопственик од Катар, и изминатово лето ја покажа својата финансиска моќ со трансферот на Хавиер Пасторе вреден околу 42 милиони евра.

Викендов низ медиумите од Франција проструи шпекулацијата дека ПСЖ ќе има на располагање 120 милиони евра за ангажман на нови лица во зимскиот преоден рок.

Се говори дека една од трансфер желбите е Единсон Кавани од Наполи, за кого тимот од Паркот на Принцовите е подготвен да понуди фантастични 75 милиони евра.

Репрезентативецот на Уругвај игра во извонредна форма и го привлече вниманието на неколку клубови, помеѓу кои и Манчестер Сити, клуб кој исто така има неограничени финансиски ресурси.

Управата на ПСЖ има амбициозен проект и желба да го врати клубот на шампински патеки во Франција и Европа.

Подлго време се говори дека Дејвид Бекам ќе се пресели на Паркот на Принцовите, а исто така се шпекулира дека спортскиот директор Леонардо мерка двајца свои сонародници.

Се работи за талентираниот Лукас од средниот ред на Сао Паоло и напаѓачот на Порто, Хулк.

Powered by: 24 FUDBAL.com.mk