Тренерот на Милан, Масимилиано Алегри е задоволен од играта на своите фудбалери против Барселона и покрај поразот.
Милан синоќа загуби на Сан Сиро од Барселона, но не разочара, Алегри е задоволен од изданието на својот тим и смета дека чекорат по вистинската патека.
"Мислам дека беше важно за нас да одиграме ваков натпревар, да се соочиме со тим кој игра отворен фудбал и да видиме на кое ниво сме" - вели Алегри.
"Натпреварот го завршивме со пораз, веројатно заслужен, но со зголемена самодоверба за разлика од претходно".
"Барселона играше 95 минути на начинот на кој секогаш игра, но ние успеавме да креираме многу опасности кон нивниот гол".
"Идеално ќе беше да го задржиме Меси, но тоа не е лесно, бидејќи тој е крајно непредвидлив".
"На овој натпревар успеавме да играме поофанзивно и да ја шириме играта, им ги отежнавме работите, но направивме грешки пред нашиот гол, бидејќи не ги следевме добро нивните движења".
"Споредено со оние 2-2 во Барселона, сега одигравме со голема храброст. Ова издание покажува дека сме на вистинскиот пат".
Powered by: 24 FUDBAL.com.mk
