Лига на Шампиони | Жозе Мурињо има само пофалби за играта на своите фудбалери кои убедливо со 6-2 го победија Динамо Загреб на Сантијаго Бернабеу...

Реал Мадрид забележа убедлива победа од 6-2 над Динамо Загреб со која го завери првото место во групата.
 
Мурињо овој натпревар го искористи и да одмори дел од своите стандардни фудбалери како што се Икер Касиљас, Марсело, Пепе и Кристијано Роналдо.
 
Тренерот на Реал Мадрид е презадоволен од изданието на своите фудбалери.
 
"Ова беше перфектна ноќ, бидејќи моите фудбалери беа фантастични и им приредија уживање на фановите" - изјави Мурињо по натпреварот.
 
"Можевме да одмориме некои од фудбалерите и да им дадеме шанса на други играчи кои го заслужуваат тоа бидејќи работат напорно за тоа".
 
Реал Мадрид славеше убедлива победа, но синоќа ги прими првите погодоци во Лигата на Шампионите оваа сезона.
 
"Секако дека ќе примевме голови кога тогаш".
 
"Подобро е тоа да се случи кога не постои ризик, како вечерашниот натпревар".
 
"Овие голови дојдоа поради гордоста што ја покажа Динамо. Моите фудбалери имаа фантастичен однос на овој натпревар".

Powered by: 24 FUDBAL.com.mk