Лига на Шампиони | Сер Алекс Фергусон жали за пропуштеното на натпреварот против Бенфика, но се надева на добар резултат во Базел кој ќе ги однесе во 1/8 финалето...

Манчестер Јунајтед синоќа одигра 2-2 на Олд Трафрод против Бенфика и пропушти на коло пред крајот да обезбеди пласман во 1/8 финалето од Лигата на Шампионите.
 
Црвените Ѓаволи во последното коло му гостуваат на Базел каде во директна пресметка ќе биде одлучен вториот патник во елиминационата фаза од групата Ц, откако Бенфика со ремито против Манчестер Јунајтед се пласираше во 1/8 финалето.
 
Сер Алекс Фергусон знае дека нема да биде лесно кај солидниот Базел оваа сезона, но верува во своите фудбалери.
 
"Тоа ќе биде тежок натпревар, но имам доверба во мојот тим" - вели Фергусон за Sky Sports.
 
"Резултатот против Бенфика е многу разочарувачки. Одигравме многу добро. Имавме повеќе добри шанси, игравме навистина одличен фудбал. Немам забелешки за моите фудбалери. Тие заслужија подобро".
 
"Но тоа е тоа, ова е сурова игра понекогаш, вечерва беше сурова за нас".
 
Автоголот на Фил Џонс и лошото исфрлување на топката на Давид Де Геа беа причините за двата примени гола.
 
"Беше малку лудо да бидам искрен, автогол а потоа и лош удар од Давид Де Геа".
 
"Мислам дека требаше да влеземе во ритам и темпо. Имавме лош старт".
 
"Примивме гол по три-четири минути. Тоа ви создава потешкотии, но кога влеговме во ритам игравме многу добро и мислам дека требаше да постигнеме два - три гола до полувремето".
 
"Навистина немавме среќа на овој натпревар".

Powered by: 24 FUDBAL.com.mk