Тиери Анри се врати во Арсенал и во следниов период ќе тренира со тимот од Емирати Стадионот со цел да го одржи својот фитнес...

Поранешниот капитен на ’Топџиите’ неодамна ја завшри својата втора сезона со Њујорк Ред Бул во МЛС шашмпионатот, па ја искористи оваа прилика за да му се приклучи на својот стар клуб.

По денешниот тренинг на Арсенал, Арсен Венгер рече: “Тиери денеска тренираше со нас.”

“Тој сака само да остане фит, да ужива малку и да се врати во Арсенал. Овде се чувствува како дома, па секогаш е добро да го имаме тука.”

“Останавме во контакт, дури и кога тој се пресели во САД. Кога постои можност за тоа, секако дека може да тренира со првиот тим.”

“Тој секогаш го зголемува моралот кај останатите фудбалери и покажува колку добар играч е.”

“Не сака да губи – тоа не се менува.”

Тиери Анри го напушти Арсенал во 2007 за трансфер во Барселона, а по три години поминати на Камп Ноу се пресели во Њујорк Ред Бул.

Фановите во 2008 го избраа Анри за најдобар фудбалер во историјата на Арсенал, а Французинот исто така е најдобар голгетер во историјата на ’Топџиите’ со 226 погодоци.