Италија | Јувентус достави барање за компензација од над 400 милиони евра поради Калчополи скандалот а претседателот на Интер, Масимо Морати мисли дека ваквата жалба е смешна...

Старата Дама вчера до Регионалниот Административен Суд (TAR) во Лацио го достави своето барање за компензација по штетата претрпена со Калчополи скандалот по кој Јувентус остана без две Скудета и беше преселен во Серија Б.
 
Иако Јувентус не соопшти колкава е сумата што ја побарува, медиумите од Италија пишуваат дека се работи за оштета од околу 443 милиони евра.
 
Тимот од Торино бара компензацијата да биде исплатена од Фудбалската Федерација на Италија и Интер, кој го доби Скудетото од 2006 на зелена маса.
 
Претседателот на Интер, Масимо Морати вели дека не сака премногу да навлегува во сто ова, но признава дека ваквото барање на Јувентус е помалку смешно.
 
“Ова се многу пари но не сакам да навлегувам во детали, бидејќи доколку треба да бидам искрен, сето ова ми е многу смешно.” – рече Морати.
 
“Дали сум подготвен да се откажам од Скудетото од 2006? Ниту една секунда нема да помислам за нешто такво.”

Powered by: 24 FUDBAL.com.mk