Евро 2012 | Селекторот на Англија, Фабио Капело вели дека Дејвид Бекам не е дел од неговите планови за Европското Првенство што следната година ќе се одигра во Полска и Украина...

37 годишниот Дејвид Бекам, кој има 115 настапи за Англија зад своето име, во изминативе неколку месеци игра во извонредна форма во ЛА Галакси, и неодамна откри дека сеуште се надева за враќање во националниот тим.
 
Поранешната ѕвезда на Манчестер Јунајтед изјави дека никогаш не се повлекол од репрезентацијата и е на располагање доколку добие повик за настап.
 
Но се чини дека такво нешто нема да се случи бидејќи Бекам не е дел од плановите на Фабио Капело.
 
Запрашан дали постојат шанси Дејвид Бекам да биде дел од составот за ЕВРО 2012, селекторот на Англија одговори: “Не, мислам дека тој само ќе биде инволвиран на Олимписките Игри.”
 
“Не знам. Имам време да одлучам. Дали тој во овој момент е дел од моите планови? Не.”
 
Бекам поради повреда на Ахиловата тетива го пропушти Светското Првенство што се одигра минатата година.
 
Фудбалерот патуваше во Јужна Африка но само како дел од стручниот штаб на Капело и делуваше како посредник помеѓу фудбалерите и менаџментот.

Powered by: 24 FUDBAL.com.mk