Кристијано Роналдо е задоволен од нерешениот резултат на Португалија против БиХ во Зеница.
Првата битка помеѓу БиХ и Португалија која се водеше на стадионот Билино Поље во Зеница заврши без голови.
Португалија имаше доволно шанси да го добие овој натпревар, но Роналдо е задоволен и со ремито, ѕвездата на Реал Мадрид е оптимист дека неговата репрезентација ќе се пласира на ЕП 2012.
"Ова е добар резултат. Се разбира во реваншот ќе играме во подобри услови, со нашите фанови зад нас, дома, но ќе биде тешко. Ова е добар резултат на гостински терен и треба работата да ја завршиме дома" - изјави Роналдо по натпреварот.
"Одигравме добро и имавме четири добри шанси за гол, додека тие имаа само една".
"Треба да го превземеме епитетот фаворити бидејќи ние сме тим кој секогаш има шанси за победа. Па треба на теренот да докажеме дека сме фаворити. Нема поента во тоа само да се зборува, а да не го докажете тоа на натпреварите".
Powered by: 24 FUDBAL.com.mk
