Претседателот на Арсенал, Питер Хил Вуд вели дека тие не се загрижени и покрај тоа што Робин ван Перси во овој момент не сака да преговара за нов договор...

Репрезентативецот на Холандија е во извонредна форма на почетокот од оваа сезона и постигна 11 погодоци на исто толку средби во Премиерлигата.

Неговиот сегашен договор истекува за 18 месеци и ’Топџиите’ силно посакуваат да го обврзат 28 годишниот напаѓач на нов долгорочен договор, особено по она што им се случи изминатово лето, кога беа приморан да го продаде Самир Насри, кој имаше само уште една година од договорот и одбиваше да ја продолжи верноста.

И покрај тоа што имаше најави дека преговорите се во тек, Робин ван Перси не сака да разговара за новиот договор се до крајот на сезоната.

Но претседателот на Арсенал, Питер Хил Вуд инсистира дека тие не се загрижени поради ваквиот став на Холанѓанецот и очекува капитенот да стави потпис на нов договор.

“Во моментов тој не сака да разговара па ние нема да го вознемируваме.” – рече Хил Вуд за Daily Star.

“Мислам дека ќе разговараме на оваа тема кон финишот на сезоната.”

“Секако дека се надеваме дека тој ќе стави потпис на нов договор – не гледам причина зошто да не го стори тоа.”

“Не можам да верувам дека тој не е среќен на Емирати.”

Неодамна се појавија шпекулации кои вела дека Интер во јануари ќе достави понуда за услугите на Робин ван Перси и на тест ќе ја стави одлучноста на Арсенал да го задржи напаѓачот.

Powered by: 24 FUDBAL.com.mk