22 годишниот јапонски репрезентативец се пресели во Борусија Дортмунд во 2010 и експресно се етаблираше како клучен фудбалер во тимот на Јирген Клоп.

Импресивните перформанси на Шинји Кагава придонесоа голем број на клубови ширум Европа да пројават интерес за услугите на плејмејкерот.

Но актуелниот шампион на Германија не сака да слушне за продажба на својата ѕвезда и започна преговори со фудбалерот за продолжување на договорот.

Сепак во овој момент преговорите се прекинати бидејќи Кагава сака да се фокусира само на тоа како да се врати во топ форма, откако на почетокот од оваа сезона плејмејкерот играше под своите можности.

“Други работи се приоритетни во овој момент.” – за Kicker рече спортскиот директор на Борусија Дортмунд, Михаел Цорк.

“Во овој момент, Шинји не сака да зборува за можно продолжување на договорот. Преговорите се одложени за некој иден период.”

Сегашниот договор на Кагава истекува на 30ти јуни 2013.

Powered by: 24 FUDBAL.com.mk