Барселона славеше лесна победа на гостувањето кај Викторија Плзен, со која обезбеди пласман во 1/8 финалето, Лео Меси беше ѕвездата на овој натпревар постигнувајќи хет-трик...
Барса дојде до очекуваните три бода од гостувањето кај Викторија Плзен победувајќи со 4-0 и на две кола пред крајот обезбеди пласман во 1/8 финалето од Лигата на Шампионите.
Во 22. минута судијата досуди пенал за Барселона, и можеби додели престрог црвен картон за Цисовски, Плзен остана со фудбалер помалку.
Сигурен реализатор на ударот од белата точка беше Лео Меси за водство на Барселона од 1-0.
Пред самиот крај на првото полувреме Меси ја зголемува предноста на Каталонците и на 2-0.
Во 72. минута Сеск Фабрегас со глава реализира за убедлива предност од 3-0, а конечните 4-0 ги постави Меси по убава асистенција од Пике.
Од Групата Х, Барса и Милан ќе играат во 1/8 финалето, непознато сеуште е кој ќе биде прв на крајот, БАТЕ и Плзен ќе се борат за третото место.
По четири одиграни кола, Барселона има десет бода, Милан осум, БАТЕ два, Плзен еден бод.
Powered by: 24 FUDBAL.com.mk
