МЕНИ

Италија | Еден Азар открива дека изминатово лето добил атрактивна понуда од Интер но додава дека сериозен интерес за неговите услуги покажува и екипата на Милан и тој веќе бил во контакт со Росоњерите...

Интернационалецот од Белгија со Лил утре гостува во Милано за средба со Интер во Лигата на Шампионите.

Во интервју за La Gazzetta dello Sport, Еден Азар открива дека летоска добил атрактивна понуда од Нероаѕурите.

Но плејмејкерот исто така додава дека и екипата на Милан пројавува сериозен интерес за неговите услуги.

“Интер се обиде да ме ангажира летоска и достави атрактивна понуда.” – рече Еден Азар.

“Но тогаш сеуште имаше несигурност околу изборот на тренерот и не се знаеше дали Весли Снајдер или Самуел Ето ќе останат.”

“Горд сум поради интересот на Нероаѕурите но тие не се единствениот клуб од Милано што ме посакува.”

“Милан исто така пројави интерес. Тие ми предложија да останам во Лил и потоа на крајот од сезоната да имаме сериозни преговори.”

“Чувствувам дека сум подготвен да се преселам во голем клуб. Во секој случај нема да останам во Франција.”

20 годишниот Еден Азар вчера во интервју за L’Equipe изјави дека ова е негова последна сезона во Лил.

Се шпекулира дека ПСЖ е подготвен да плати фантастични 50 милиони евра но фудбалерот од почит кон Лил не сака да се пресели во Париз.

Репрезентативецот на Белгија важи за голем талент и подолго време е следен од Реал Мадрид, Барселона, Челзи, Арсенал, Ливерпул како и двата гиганта од Милано.