Интернационалецот од Белгија, Еден Азар вели дека е подготвен да заигра за голем клуб и најави дека ќе замине од Лил по крајот на сезоната...

20 годишниот плејмејкер подолго време е следен од гигантите ширум Европа и во интервју за L’Equipe тој призна дека ова е негова последна сезона во дресот на Лил.

Се шпекулира дека ПСЖ е подготвен да плати оштета од 50 милиони евра за да стигне до услугуте на Еден Азар но репрезентативецот на Белгија вели дека нема да се пресели во друг клуб од Франција кога ќе замине од Лил.

“Париз не е за мене” – рече Еден Азар. “Париз е магичен, како што велат тие. Секако дека ме привлекува.”

“Но во овој момент тоа не е опција за мене. Во Франција, не сакам да се преселам во ривал на Лил. На тој начин би ги предал нашите фанови.”

Плејмејкерот потоа додаде: “Подготвен сум за следното ниво и да заиграм за голем клуб. Оваа година останав во Лил бидејќи сеуште требаше да поработам на некои аспекти од мојата игра, да се подобрам. Но сега сум подготвен.”

“Нема да заминам во јануари, тоа би било глупаво. Но ова е мојата последна сезона во Лил.”

Запрашан дали се гледа како иден освојувач на ’Златната Топка’ Азар додаде: “Мислам дека во следните пет или шест години Меси ќе ја освојува оваа награда.”

“Јас сеуште сум далеку од нивото потребно за ’Златната Топка’.”

Powered by: 24 FUDBAL.com.mk