Бразилскиот одбранбен фудбалер подвлече дека чувствува потреба да си ја поврати силата и самодовербата а единствен начин за да го постигне тоа е да се победи Јувентус во „дербито на Италија“ ...

Лусио ги повика своите соиграчи максимално да се посветат на реализација на големата желба- да се совлада лутиот ривал од Торино.

Бразилецот призна дека Интер се уште треба да ја докажува својата моќ особено откако мечот со Аталанта заврши без победник 1-1.

„Јувентус се во мирна ситуација, но ние треба да мислиме на нашата форма која до сега не беше најдобра. Мора да даваме што е можно повеќе голови.“

„Нашата намера е да победиме во дуелот со Јувентус и да се вратиме на победничките патеки што поскоро. Треба секој меч да го третираме како финале и така ќе биде и со овој“- изјави поранешниот фудбалер на Баерн Минхен  за La Repubblica.

Во меѓувреме, дел од фудбалската јавност стравува дека евентуален пораз на Интер би бил премногу лош за „нероаѕурите“ со што 33-годишниот играч не се согласува.

„Ова нема да биде нашиот последен меч. Треба да одиграме цврсто, да се фокусираме повеќе и ќе излеземе од оваа ситуација.“

Интер се наоѓа на 16-та позиција во Серија А, само два бода од зоната на испаѓање. За разлика од нив, „старата дама“ во моментов  е на врвот во италијанското првенство.

Powered by: 24 FUDBAL.com.mk