Англија | Дефанзивецот на Арсенал, Томас Вермален вели дека се чувствува добро и е подготвен за дуелот со Челзи...

Интернационалецот од Белгија по пауза од два месеци вчера се врати во составот на Арсенал за средбата против Болтон во Лига Купот.
 
Во финишот на натпреварот Арсен Венгер го замени Вермален а подоцна менаџерот на Арсенал објасни дека дефанзивецот имал ситна повреда на листот на ногата и можно е да го пропушти дуелот со Челзи.
 
Но Томас Вермален вели дека се чувствува добро и ќе биде подготвен за Лондонското дерби што во сабота ќе се одигра на Стемфорд Бриџ.
 
“Одлично е што се вратив на терените.” – рече Вермален.
 
“Се чувствувам свежо, се е добро и ќе бидам на располагање за средбата во сабота.”
 
Претходно на својот Твитер профил Вермален пиша: “Кон финишот на натпреварот имав мал грч. Ништо сериозно.”
 
“Излегов само поради претпазливост.”

Powered by: 24 FUDBAL.com.mk