Останато | Камерунскиот репрезентативец во интервју за CNN проговори за причините поради кои заминал во Русија но и дека високата плата само покажува колку тој навистина вреди...

„Скромниот“  Самуел Ето беше вистинска сензација откако реши да го напушти Интер за да се пресели во рускиот Анжи.
 
За трансфер вреден 25 милиони евра и годишна плата од 20 милиони евра, Самуел Ето без размислување ја прифати великодушната понуда на Русите и со тоа ги разочара навивачите.
 
„Не ми е гајле што мислат луѓето за мене. Мислам дека сите ние сакаме да работиме и да бидеме платени според нашите вредности. Анжи достави понуда за моите квалитети, висока онолку колку што сметаат дека вредам. “
 
„Но да бидам искрен, пред една година не ни помислував дека ќе бидам овде. Но кога се појави понудата размислував и сфатив дека така ќе биде најдобро за мене, мојата кариера и семејство. “
 
Последните информации говорат дека Анжи Махачкала сега размислува за доведување и на Фабио Капело како тренер но и Робин ван Перси за кои Ето смета дека е само прашање на време кога фудбалската елита ќе се собере во пребогатиот руски клуб.
 
„Мило ми е што се’ повеќе играчи размислуваат да дојдат овде. Голем дел од нив се важни фудбалери а нивните имиња се поврзуваат со овој клуб. Анжи има предиспозиции да ги привлече ѕвездите.“

„ Морам да признаам дека речиси секој ден добивам порака од некој играч кој ме прашува дали има можност  тој да дојде овде затоа што овде е фудбалската иднина“- објасни 30-годишниот Камерунец.

Powered by: 24 FUDBAL.com.mk