Англија | Проблематичниот фудбалер на Манчестер Сити најави тужба против тренерот Роберто Манчини по изрекувањето на казната од милион фунти...

Карлос Тевез заработи казна од клубот поради одбивањето да влезе во игра на мечот од ЛШ против Баерн одигран на 27ми септеври на Алианц Арената, на што Тевез има право во следните 14 дена да поднесе жалба за ваквата одлука.
 
Пи-ар тимот на фудбалерот веќе изјави дека играчот е „повреден“ од тврдењата на Италијанецот дека тој одбил да настапи како замена на мечот, по што се ‘ поверојатно е дека Манчини ќе добие тужба од Тевез.
 
„Тој е повреден поради навредливите тврдења дека одбил да влезе во игра“.
 
„Тука е конфликтот, ако воопшто има конфликт во моментов. Тој чувствува дека неговата репутација е уништена со овој скандал.“
 
Во исто време, неговиот портпарол најави дека во следните денови Тевез ќе ги разгледа сите опции кои му се на располагање но најверојатно ќе одлучи да поднесе тужба адресирана до Роберто Манчини.
 
„Карлос сака да се одбрани колку што може бидејќи сметаме дека ваквата санкција е направена со предумисла, оставајќи го без платите, бонусите...“
 
„Сега е време да се преземе некаква акција. Ова е тежок период и за Тевез и за клубот.“

Во меѓувреме, од Сити порачаа дека нема конкретна понуда за Тевез и доколку пристигне таа ќе биде разгледана само доколку е во сооднос со пазарната цена на Аргентинецот.

Powered by: 24 FUDBAL.com.mk