Франција | Според денешното издание на L’Equipe, сопствениците на ПСЖ се подготвени да понудат 50 милиони евра за услугите на Еден Хазард од Лил...

20 годишниот репрезентативец на Белгија игра во извонредна форма во дресот на Лил и беше клучен фудбалер во тимот на Руди Гарсија кој минатата сезона стигна до титулата од првенството на Франција.

Голем број на клубови го следат прогресот на Еден Хазард, а се чини дека најсилен интерес пројавуваат Реал Мадрид и Интер.

Според денешното издание на L’Equipe, ПСЖ во јануари ќе го обнови својот интерес за плејмејкерот и весникот вели дека тимот од Париз е подготвен да достави мега понуда.

Новите сопственици на ПСЖ, QSI изминатово лето потрошија 85 милиони евра за засилување на тимот а според L’Equipe ,Катарците сега дале зелено светло за да се испрати понуда до Лил вредна 50 милиони евра.

ПСЖ пројави интерес за услугите на Еден Хазард и летоска, но Лил тогаш не сакаа да слушнат за продажба на својата ѕвезда на ривал од шампионатот на Франција.

Се говори дека управата на ПСЖ во белгијскиот интернационалец гледа идеална замена за 30 годишниот Нене.

Powered by: 24 FUDBAL.com.mk