Англија | Менаџерот на Евертон, Дејвид Мојс вели дека Маруан Фелаини е многу блиску до потпишување на нов договор со клубот...

23 годишниот Белгијанец, кој во 2008 се пресели на Ивуд Парк во рекорден трансфер на Евертон од 15 милиони фунти, оваа сезона игра во одлична форма откако летоска целосно се опорави од тешката повреда на скочниот зглоб заработена во март.
 
Неколку екипи подолго време го следат прогресот на Фелаини но Дејвид Мојс не сака да остане без услугите на фудбалерот со оглед на тоа дека летоска беше продаден Микел Артета.
 
Преговори за продолжување на верноста на Фелаини се почнати од поодамна и Дејвид Мојс очекува многу наскоро репрезентативецот на Белгија да потпише нов договор Евертон.
 
Менаџерот на ’Карамелите’ рече: “Мислам дека двете страни се многу блиску до постигнување согласност.”
 
“Претседателот и генералниот извршен директор подолго време работат на ова и јас само чекам да ги слушнам добрите вести. Се надевам дека нема да чекам уште многу.”
 
“Тој одигра навистина добро во изминативе неколку сезони и ќе биде навистина добро доколку го задржиме.”
 
Фелаини е под договор со Евертон до 2013 и доколку тој наскоро не ја продолжи верноста Евертон најверојатно ќе почне да размислува за продажба на фудбалерот.

Powered by: 24 FUDBAL.com.mk