Останато | Работна група на ФИФА предводена од Франц Бекенбауер даде предлог да не се доделува црвениот картон при полесен прекршок во шеснаесетникот односно да се отстрани т.н. ’тројна казна’...

Работната група на ФИФА составена од поранешни фудбалери, судии и експрети денеска во Цирих ја имаше својата втора средба на која беа дадени предлози за неколку промени во правилата.
 
Еден од предлозите е околу т.н. ’тројна казна’ од пенал, црвен картон и суспензија, работната група верува дека ваквата казна е престрога.
 
Тие се согласуваат ваквата казна да остане доколку фудбалер игра со рака на гол линијата и спречи постигнување на погодок но бараат црвениот картон да биде заменет со жолт доколку се работи за полесен прекршок.
 
Доколку се работи за губ прекршок за кој би се покажал црвен картон и надвор од шеснаесетникот во тој случај треба да се покаже пенал и црвен картон.
 
Експертите бараат жолт картон наместо црвен и во случај кога голманот се обидува да стигне до топката но наместо тоа ги удира нозете на противничкиот фудбалер.
 
Работната група исто така разговарала и за офсајд правилото односно околу пасивниот и активниот офсајд. Претседателот Франц Бекенбауер побарал од членовите да дадат сугестии за јасно, разбирливо правило и тоа да биде дискутирано на следната средба.

Powered by: 24 FUDBAL.com.mk