Останато | El Mundo Deportivo објави дел од кандидатите кои ќе се борат за наградата Најдобар Фудбалер во Светот за 2011 а на листата има 10 фудбалери на Барса...
France Football и ФИФА на 1 ноември ќе ја објават листата од 50 фудбалери кои ќе се борат за ’Златната Топка’ но денешното издание на El Mundo Deportivo објави дел од кандидатите за оваа престижна индивидуална награда.
Според весникот на листата има дури десет фудбалери на Барселона: Лионел Меси, Андрес Иниеста, Чави Ернандез, Цеск Фабрегас, Жерард Пике, Дани Алвес, Давид Виља, Карлес Пујол, Ерик Абидал и Алексис Санчез.
Добро котираат и Реал Мадрид и Баерн Минхен кои имаат по пет односно шест фудбалери.
Икер Касиљас, Чаби Алонсо, Кристиано Роналдо, Месут Озил и Семи Кедира се од таборот на Кралскиот клуб а Бастиан Швајнштајгер, Филип Лам, Марио Гомез, Томас Милер, Франк Рибери и Аријен Робен се од таборот на Баварците.
El Mundo Deportivo исто така пишува дека на листата се и имињата на Мирослав Клосе, Весли Снајдер, Робин ван Перси, Ван Дер Варт, Самуел Ето, Кун Агуеро, Давид Силва, Луис Суарез, Диего Форлан, Чичарито, Вејн Руни, Нејмар и Антонио ди Натале.
Со оглед на тоа дека листата на El Mundo Deportivo не е комплетна на неа најверојатно ќе има место за фудбалери како Немања Видиќ, Дидие Дрогба, Герет Бејл, Радамел Фалкао, Хулк како и уште неколку имиња од Борусија Дортмунд, Милан и Челзи.
Во меѓувреме Удинезе преку сопствената официјална веб страна соопшти дека Антонио ди Натале е единствениот Италијанец номиниран за ’Златната Топка’.
На 5 декември 2011 на настан во Париз ќе бидат соопштени трите имиња што ќе се борат за ’Златната Топка’ а победникот ќе биде соопштен на гала вечера што ќе се одржи на 9ти јануари 2012 во Цирих.
Powered by: 24 FUDBAL.com.mk
