Сер Алекс Фергусон инсистира дека Манчестер Јунајтед е подготвен да го прифати предизвикот кој им го постави локалдниот ривал Манчестер Сити...

По огромните инвестиции на Шеикот Мансур, Манчестер Сити го има најдобриот старт во сезоната по 1897 и избраниците на Роберто Манчини се лидери во Премиерлигата во пресрет на градското дерби со Манчестер Јунајтед.

’Граѓаните’ сега се посочуваат како најголеми конкуренти на Јунајтед за титулата во Англија и Фергусон со нетрпение го очекува натпреварот што во недела ќе се одигра на Олд Трафорд.

“Мислам дека на Сити му оди фантастично добро.” – рече Шкотот. “Доколку тие не прокоцкаа предност од два гола кај Фулам, сега ќе имаат 100% учинок.”

“Во недела средбата може да биде прилично интересна и со нетрпение ја очекувам.”

 “Можете да судите само по крајот на сезоната, кога е во прашање влијанието на овој натпревар врз трката за титулата.”

“Без разлика кој тим ќе победи, ќе направи разлика. Но до крајот има уште многу и можеме да надополниме одредена негатива, нема сомнеж околу ова.”

“Од време на време треба да прифатиме одредени предизвици. Ова е друга ситуација и треба да направиме нешто. Вакви предизвици сме прифаќале во минатото.”

“Не сакате да бидете зад други клубови но неколку години бевме зад Челзи. Сепак покажавме енергичност и одлучност, донесовме некои одлуки и повторно се вративме пред нив.”

Ферги потоа потврди дека Рио Фердинанд, кој го пропушти дуелот со Отелул Галати во Лигата на Шампионите, ќе биде подготвен за градското дерби.

“Рио не патуваше во Романија бидејќи планиравме да не го употребиме. Сите се фит и очигледно е дека средбата со Сити е возбудлива за секој фудбалер.”

Powered by: 24 FUDBAL.com.mk