МЕНИ

Арсен Венгер е презадоволен од игрите кои Робин ван Перси ги прикажува оваа сезона и вели дека би било идеално кога Холанѓанецот би ставил потпис на нов договор...

Робин ван Перси игра во фантастична форма, напаѓачот синоќа постигна два гола за Топџиите кои го победија Сандерленд со 2-1.

Се чини дека холандскиот фудбалер е единствената светла точка на Арсенал во овој тежок период за нив, па сите очи се вперени во капитенот кој го враќа тимот на победничките патеки.

Договорот на Ван Перси со Арсенал истекува во 2013 година, тој ја одложува одлуката за својата иднина, па постои стравување кај фановите дека следното лето би можел да замине од Емирати, како што тоа го направи Самир Насри.

Арсен Венгер ќе ја почитува секоја одлука на Ван Перси, но вели дека би било идеално за Арсенал доколку тој го продолжи договорот.

"За жал идеалните ситуации во фудбалот не постојат често" - изјави Венгер за официјалниот сајт на Арсенал.

"Идеално би било тој да го продолжи договорот но доколку не го стори тоа, треба да ја почитуваме неговата одлука".

"Важно е што тој игра како што игра бидејќи сите ние сме тука да гледаме посебни фудбалери и тој е посебен фудбалер".

"За мене посветеноста на еден фудбалер не е тоа колку долго ќе биде во клубот".

"Колку и долго да сте во клубот треба да давате 100% од себе се до последниот ден од договорот. Тоа за мене е она што го викате посветеност".

"Должината на договорот е нешто сосема друго. Имате фудбалери кои се во клубот и по 10 години но не се комплетно посветени, според мене не се работи за должината на договорот".

"Тој знае дека ние сме подготвени да зборуваме за нов договор но најважна е сегашноста и колку сте посветени на каузата додека сте во клубот".