Рафа Бенитез сака повторно да биде менаџер на Ливерпул и е подготвен долго да чека за таа желба да му се оствари...

Во интервју за "The Empire theatre" минатата ноќ, меѓу другото Рафа Бенитез ја истакна желбата дека сака да се врати на кормилото на Ливерпул и е подготвен долго да чека за тоа.
 
"Многу сум горд што бев менаџер на Ливерпул и во иднина сакам повторно да бидам" - изјави Бенитез.
 
"Ќе чекам. Не сакам утре да бидам на насловните, и сакам да му дадам поддршка на Кени. Но во иднина би сакал повторно да бидам менаџер на Ливерпул и за тоа сум подготвен да чекам, три, пет, десет години".
 
"Бев навистина задоволен и среќен во Ливерпул и се надевам дека тие ќе освојат многу трофеи. Но кога Кени ќе се повлече...".
 
"Имав два-три повици од Кина, Русија и Мексико, но за мене приоритет е Премиер лигата".
 
Во двочасовното интервју, Бенитез се пожали од поранешните сопственици на клубот кои имаа неславен престој на Енфилд, Џорџ Жилет и Хикс.
 
Рафа вели дека не можел сам да одлучува за трансферите, сопствениците му рекле дека тој треба само да го тренира и да го води тимот, а тие ќе се грижат за трансферите.

Powered by: 24 FUDBAL.com.mk