Андре Вилаш Боаш вели дека Челзи не планира во јануари да го продаде напаѓачкото трио, Анелка, Дрогба и Калу, без разлика дали тие ќе потпишат нови договори со клубот...

На дуото од Брегот на Слоновата Коска, Дрогба и Калу им е понуден нов договор, додека клубот дополнително ќе одлучи дали истото да го стори и со Николас Анелка.

Некои информации велат дека ова ќе биде последна сезона за Анелка на Стемфорд Бриџ, а исто така чести се и шпекулациите кои го поврзуваат Дрогба со заминување од клубот.

Сепак, што и да се случи, Андре Вилаш Боаш вели дека нема да ги продаде овие фудбалери во јануари, ризикувајќи тие да заминат како слободни фудбалери по крајот од сезоната.

"Не мислам дека ќе ги продадеме. Немаме потреба да го правиме тоа" - изјави Вилаш Боаш.

"Најважно за клуот е да се обиде да ги брани своите интереси. Знаеме дека овие играчи ни се многу важни".

"Затоа им понудивме нови договори, со исклучок на Анелка".

"Ќе се обидеме да постигнеме договор со нив".

Powered by: 24 FUDBAL.com.mk