Сер Алекс Фергусон е најуспешниот менаџер во историјата на англискиот фудбал, капа му симнуваат сите, сите освен Рафа Бенитез...

Запрашан дали личноста на Фергусон е клучна за успехот на Манчестер Јунајтед во изминатиот период, Бенитез за Radio Merseyside одговори: Не, мислам дека парите кои ги трошат се клучни".
 
"Доколку ги анализирате нивните трансфери и историја... Руни, или Фердинанд, пример чинеа 30 милиони фунти, кој би дал толку за млад фудбалер или централен дефанзивец".
 
Додека Бенитез беше на клупата на Ливерпул, ривалството помеѓу двата менаџери беше големо, чести беа "мисловните игри" кои се појавуваа помеѓу двајцата, но Шпанецот смета дека тоа нема влијание врз резултатите.
 
"Тие секоја година добро почнуваат. Тoа не е поради интервјуата или прес конференциите, туку поради тоа што имаат пари".
 
"Доколку кажете нешто на прес конференција, ви гарантирам дека тоа нема влијание врз другиот менаџер. Може се случува еднаш во 100 пати, медиумите сакаат многу да пишуваат за мисловни игри, но не сфаќаат дека не можете да добиете мисловни битки доколку имате лош тим".
 
"Можете да бидете најдобар на прес конференциите, но потоа, доколку имате лош тим ќе изгубите. Лесно е да се зборува за мисловни игри кога Фергусон има добар тим и победува, тоа е случајот".
 
"Да бидам искрен, не ми се допаѓа кога медиумите зборуваат за мисловни игри бидејќи јас бев фокусиран само на мојот тим и работите кои требаше да ги правам за тимот".

Powered by: 24 FUDBAL.com.mk