Германија Живата легенда на германскиот и светски фудбал смета дека силниот Баерн е за нијанса послаб од Барселона и Реал Мадрид...

Франц Бекенбауер побара „Баварците“ да останат смирени и да не се преценуваат премногу поради 10-те последователни победи во кои Баерн не прими ниту еден гол.

Иако Баерн со 18 поени е на врвот на бундеслигашката табела, како и лидер во групата „А“ од ЛШ со максимален учинок од 6 бодови по две кола, Бекенбауер смета дека „Баварците“ сеуште не смеат да се „залетуваат“.

„Ние не треба да заборавиме дека иако Манчестер Сити е добар тим, посилен од противниците со кои до сега игравме во германското првенство, тие сепак не се голем клуб како Реал Мадрид или Манчестер Јунајтед“- напиша почесниот претседател на Баерн во својата колумна објавена во Билд.

„Сеуште, Баерн не е на исто квалитативно ниво како Барселона. Искачувањето на тоа ниво ќе биде едноставно претерување. Во претходните неколку години, Барса освои многу трофеи додека ние во истиот период бевме релативно анонимни“- стои во колумната на 66-годишниот Германец.

Powered by: 24 FUDBAL.com.mk