Лига Европа Еден од стрелците на головите за Тотенхем, Џермејн Дефо по средбата изјави дека неговиот тим заслужил да го совлада Шамрок и со тоа да си ја зголеми самодовербата пред дуелот со градскиот ривал, Арсенал...

Трите погодоци во мрежата на Шамрок Роверс, на Тотенхем му беа сосема доволни во вториот меч од Лигата на Европа да дојде до првиот триумф сезонава.

Момците од Северен Лондон на Вајт Харт Лејн ја демонстрираа супериорноста над противникот преку головите на Павличенко, Дефо и на Дос Сантос . Рајс само го ублажи поразот за конечни 3-1.

Џермејн Дефо во изјава дадена по мечот, изјави дека тој и неговите соиграчи заслужено дошле до трите бодови затоа што тие биле подобриот противник на средбата но и дека мечот бил одличен подготвителен тест за претстојната средба со Арсенал.

„Ние бевме подобриот тим вечерва. Тие имаа само една шанса која ја реализираа но моравме да останеме позитивни. Кога Павличенко поентираше, тогаш ја презедовме целата контрола.“

„Ова беше супер игра пред дуелот со Арсенал на кој веќе сум фокусиран.“

Во исто време, Англичанецот потсети дека во натпреварите од Евролигата, едноставно не постојат лесни мечеви.

„За нив, ова беше шанса да ги покажат нивните можности на ова ниво. Во Лига Европа нема лесни натпревари“ – констатираше Дефо.

Powered by: 24 FUDBAL.com.mk