Лига на Шампиони Кристијан Запата вели дека Виљареал најмногу стравува од офанзивното трио на Наполи, Лавеци, Хамшик и Кавани...

Виљареал вечерва му гостува на Наполи, по поразот од Баерн Минхен во првото коло, Жолтата Подморница мора да оди на победа на вечерашниот дуел доколку сака да ги задржи шансите за пласман во следната рунда.

Дефанзивецот на Виљареал, Кристијан Запата е свесен од каде доаѓа најголемата опасност, Лавеци, Хамшик и Кавани се убиственото напаѓачко трио на Наполи.

"Лавеци, Хамшик и Кавани се тројцата најопасни фудбалери, оние од кои најмногу стравуваме" - изјави Запата на прес конференцијата по повод вечерашниот натпревар.

"Тоа ќе биде одличен натпревар, сигурен сум. Слушнав дека Наполи играат добро, но исто така и ние".

Поради повреда веројатно Џузепе Роси ќе го пропушти гостувањето во Неапол.

"Доколку Џузепе не игра, тоа ќе биде удар за нас, но ќе се справиме и без него".

Powered by: 24 FUDBAL.com.mk