Лига на Шампиони Европската куќа на фудбалот ја отфрли жалбата на премиерлигашот за суспензијата на Арсен Венгер која му забранува во следните 2 натпревари од ЛШ да не смее да го предводи својот тим...

Имено, на плеј-оф дуелот за ЛШ против Удинезе, Венгер иако не седеше на клупата предвидена за стручниот штаб, телефонски комуницираше со својот заменик по што следуваше реакцијата на дисциплинската комисија на УЕФА да му ја зголеми суспензијата.

Ваквата одлука не му се допадна на Арсенал кој одлучи да ја обжали оваа одлука на Европската куќа на фудбалот.

Според Венгер, ваквото решение на УЕФА е збунувачко и тој и клубот морале да реагираат со цел стратегот да биде дел од првите натпревари во ЛШ против Борусија Дортмунд и Олимпијакос.

“Апелационото тело на УЕФА ја отфрли жалбата на Арсенал и Арсен Венгер за повлекување на претходно изречената суспензија од 2 натпревари која му беше изречена по натпреварите со Удинезе. Венгер ќе биде суспендиран од вршење на своите должности на следните 2 меча од ЛШ против Дортмунд и Олимпијакос на 13-ти и 28-ми септември.“ - гласеше соопштението на УЕФА.

“Ваквата суспензија на менаџерот му е изречена поради непочитувањето на претходната одлука на дисциплинското тело на УЕФА кога за време на одигрувањето на дуелот со Удинезе на Емирати, Венгер ја прекрши суспензијата од еден натпревар изречена за време на претходната кампања.“

Powered by: 24 FUDBAL.com.mk