Италија Претседателот на Лига Серија А и претседателот на Асоцијацијата на Италијански Фудбалери го потпишаа новиот колективен договор па Серија А ќе започне овој викенд...

Првото коло во Серија А беше откажано поради штрајк на фудбалерите кои не беа заодоволни од условите кои им беа понудени за потпишување на новиот колективен договор.

По долги преговори помеѓу двете страни, беше постигната согласност за привремен договор кој ќе овозможни започнување на новата сезона во најквалитетното првенство на Италија.

Денеска во Рим, претседателот на Лига Серија А, Маурицио Берета и претседателот на Асоцијацијата на Италијански Фудбалери, Дамиано Томази ставија потпис на новиот колективен договор.

Со ваквиот потег се става крај на штрајкот и овој викенд ќе се игра фудбал во Серија А.

Воведниот натпревар е дуелот помеѓу Милан и Лацио кој се игра во петок на Сан Сиро со почеток во 20:45.

Powered by: 24 FUDBAL.com.mk