Лига на Шампиони Турскиот клуб поднесе жалба до Спортскиот арбитражен суд против против УЕФА и Фудбалската Федерација на Турција со цел да се врати во групната фаза од ЛШ...

Поради сомневањата дека Фенербахче е сериозно инволвиран во местење на натпревари од турскиот шампионат и под силен притисок од УЕФА, Фудбалската Федерација на Турција одлучи клубот да биде исклучен од учеството во ЛШ а неговото место да го заземе турскиот вицешампион, Трабзонспор.

Поради оваа одлука, адвокатскиот тим на Фенербахче реши да поднесе жалба до Судот за Спортска Арбитража.
 
“Случајот е отворен со барање за 45 милиони евра како и правото да добиеме дополнително обесштетување поради материјалната штета која му е нанесена на клубот поради суспензијата.“ – стои во официјалното соопштение.

Со овој потег, клубот се надева дека во текот на оваа недела Судот ќе пресуди во полза на Фенербахче по што ќе добие дозвола да биде дел од ЛШ.

Повеќе од 30 официјални лица и фудбалери на Фенербахче ова лето беа приведени поради сомневањата дека клубот е сериозно инволвиран во местење на дури 19 натпревари.
 
Меѓу нив беше и претседателот на Фенербахче, Азиз Јилдирим на кој му се заканува затворска казна од 12 години.

Powered by: 24 FUDBAL.com.mk