Италија Самуел Ето ги отфрла натписите кои велеа дека тој е во конфликт со тренерот на Интер, Џанпиеро Гасперини...

Медиумите шпекулираа дека Самуел Ето побарал да биде продаден на Манчестер Сити откако на еден тренинг влегол во конфликт со тренерот Џанпиеро Гасперини.

Во пресрет на утрешниот Суперкуп дуел со Милан, интернационалецот од Камерун ги отфрли ваквите натписи.

За inter.it тој рече: “Никогаш не сум имал расправија со Гасперини.”

“Во Пинцоло единствено разговаравме за технички и тактички работи, што е сосема нормално за еден тренер и фудбалер – особено кога тие не соработуваат заедно долго време и сеуште се запознаваат.”

“Потребно е тие да ги разберат техничките и тактичките барања кои се од најдобар интерес за тимот.”

Утрешниот натпревар против Милан ќе биде трет Суперкуп дуел за Ето, кој веќе има постигнато три погодоци на средбите со Лацио и Рома во претходните две години.

Powered by: 24 FUDBAL.com.mk