Англија Според пишувањата на Marca, Хуан Мата од Валенсија е многу блиску до преселба во Арсенал...

Пред неколку дена претседателот на Лос Че, Мануел Љоренте изјави дека Хуан Мата не е на продажба.

Но според денешното издание на Marca, шпанскиот интернационалец е многу блиску до преселба во Арсенал.

Мадридскиот весник вели дека зделката не е комплетно затворена бидејќи други два клуба од Англија – од кои едниот е Тотенхем – неодамна доставиле понуди кои се доволно интересни за таткото на фудбалерот, кој воедно е и негов агент, па тој сега добро ги анализира сите предлози.

Marca пишува дека во договорот на Хуан Мата има откупна клаузула вредна 20 милиони евра но најверојатно ќе бидат потребни 15 милиони евра за фудбалерот да замине од Местаља.

Во меѓувреме Marca TV - видео сервисот на Marca - утрово објави дека ’Топџиите’ минатата недела до Валенсија доставиле понуда вредна 20 милиони евра за услугите на Хуан Мата.

Powered by: 24 FUDBAL.com.mk