Англија Фудбалерот на Арсенал кој е на позајмица во Сао Паоло, Денилсон, е уверен дека Фабрегас ќе остане на Емирати...

Како минатото лето, така и ова, Фабрегас постојано се поврзува со враќање во Барселона.

Шпанските медиуми пишуваат дека трансферот ќе се реализира ова лето, но Денилсон верува дека Фабрегас ќе остане во Арсенал.

"Мислам дека неговото останување е многу важно поради фановите, стручниот штаб на Арсенал, сите го сакаат Цеск и мислам дека тој ќе остане" - вели Денилсон.

На 23-годишниот фудбалер кој е на позајмица во Сао Паоло, му недостасува Арсенал и се надева дека следната сезона ќе се врати.

"Ми недостасува Лондон, ми недостасува Арсенал. Живеев таму пет години, тоа е долго време за мене. Но мислам дека ќе се вратам следната сезона".

Денилсон има пофални зборови за Арсен Венгер кој се наоѓа под се поголем притисок откако веќе шеста година по ред Арсенал не може да освои трофеј.

"Сите знаат дека Арсен Венгер е врвен човек и врвен менаџер".

"Тој не е само тренер, тој е како татко. Беше прекрасен за мене, за фудбалерите бидејќи ви помага многу".

Арсенал е критикуван и поради тоа што е тивок на трансфер пазарот, но Денилсон не се сложува со таквите коментари.

"Гледате дека Манчестер Јунајтед, Сити и Челзи трошат многу пари на фудбалери, но Арсенал нема потреба да го прави тоа".

"Оваа сезона сум 100% сигурен дека ќе освојат трофеи".

Powered by: 24 FUDBAL.com.mk