Шпанија Виљареал постигна согласност со тренерот Хуан Карлос Гаридо за продолжување на договорот според кој ќе остане на чело на Жолтата Подморница до 2014 година.

Гаридо од Б тимот на Виљареал влета во првиот тим по заминувањето на Мануел Пелегрини на кормилот на Реал Мадрид во 2009 година.
Виљареал заврши седми минатата сезона во Ла Лига, а во оваа бележи одлични резултати.

"Политиката на Виљареал е секогаш да има стабилност, и поради тоа ја искажавме долгорочната доверба во Гаридо" - стои во клупското соопштение.

Гаридо во клубот е веќе 12 години, почнувајќи од работа во младинските школи па се до првиот тим.

Во моментов Виљареал е на третото место во Примера, со 24 бода од 12 натпревари, осум помалку од лидерот Реал Мадрид.

Powered by: 24 FUDBAL.com.mk