Пандата Лин Пинг стана следниот претставник од животинскиот свет, за кој се верува дека е надарен со пророчки способности, отакако октоподот Пол и сингапурскиот папагал Мани се здобија со светска слава...

Малата женска панда која живее во зоолошката градина Чианг Мај во истоимената провинција во северен Тајланд, предвиде дека Шпанија ќе победи на финалната средба од Светското првенство против Холандија утре.

Таа требаше да избере од две пластични кутии со млеко, односно со знамето на Шпанија и на Холандија и Лин Пинг се одлучи за она со шпанското знаме.

Вчера октоподот Пол исто така, предвиде дека Шпанија ќе победи за прв пат во историјата на Светското Првенство. Пол од Оберхаузен стана познат низ целиот свет со совршено препознавање на победниците во фудбалските натпревари на Мундијалот.

Сингапурскиот папагал Мани пак предвиде дека, Холандија ќе стане Светски Шампион.

Финалето на Светското Првенство помеѓу тимовите на Холандија и Шпанија ќе се одигра утре на стадионот „Сокер сити“ во Јоханесбург, Јужна Африка.