Постојано слушаме за животни од целиот свет кои предвидуваа победници на светски и европски првенства во фудбал...
Во Зоолошка градина Скопје, лемурите се обидоа да прогнозираат кој ќе победи на Светското првенство. Кај овој вид на примати владее матријархат, односно главни се женките, затоа за светски шампион во фудбал типуваше женка лемур.
Нашата прогнозерка предвиде дека победник на Светското фудбалско првенство ќе биде Хрватска. Дали нејзините прогнози ќе се остварат, останува да видиме во недела. Инаку, најпознат предвидувач досега беше октоподот Пол, а неодамна сибирскиот тигар од Зоолошката во Краснојарск предвиди победник во полуфиналето на Светското фудбалско првенство.
