Легендата на англискиот фудбал Дејвид Бекам и стави крај на својата професионална кариера само три дена откако му помогна на Пари Сен Жермен да ја освои првата титула во Франција од 1994 година наваму...

Поранешниот капитен на англиската репрезентација стана првиот Англичанец кој стана шампион во првенствата на четири различни земји, така што освен со ПСЖ, Бекам станал шампион со Манчестер Јунајтед во Англија, Реал Мадрид во Шпанија и Ел Еј Галакси во САД.

Полудефанзивецот наполни 38 години овој месец, но сепак доби понуда од ПСЖ да остане во тимот и наредната сезона. Бекам сепак одлучи да го следи својот ментор Сер Алекс Фергусон и неговиот пријател Пол Сколс и стави крај на својата кариера.

Легендата на Манчестер Јунајтед дебитираше во дресот на "црвените ѓаволи" на 7 декември 1994 година, а со родниот тим освои шест титули, два пати ФА Купот и еднаш Лигата на Шампионите. Во 2003 година Бекам премина во Реал Мадрид, а како последно игра за ЛА Галакси, Милан и ПСЖ. Харизматичниот Англичанец одигра вкупно 115 натпревари за својата татковина, а во 59 од нив беше со капитенската лента.