Изминатиов викенд, поточно во неделата (07 април) се одржа 33-от Берлински Полумаратон. На стартната линија беа наредени 30.114 натпреварувачи од целиот свет...

Меѓу нив беа и тие – тројца Македонски претставници, членовите на Атлетскиот Клуб Безбедност од Скопје: Весна Кираџиева, заедно со нејзиниот брат Александар Кираџиев и нивниот одличен другар Томе Попчевалиев.

"За оваа трка се подготвував цела зима и искрено се надевав на нов рекорд, но сепак задоволството е на финиш линијата, кога и официјално го видов времето на часовникот над самиот финиш. Тој отчукуваше 1:28:50, што воедно значи и нов Македонски рекорд во полумаратон. Со ова, јас и официјално сум првата Македонка која ја има поминато фамозната граница од 1час и 30 минути. Сепак, ми претстојат уште трки и се надевам на уште вакви супер резултати кои ќе ја кренат вредноста на Македонската атлетика во светски рамки!!!

До следната прилика, спортски поздрав до сите читатели на interesno.com.mk
Весна Кираџиева."